عزیر بلوچ اور جبار لنگڑا گروپ کا انتہائی مطلوب کارندہ گرفتار، ہینڈ گرنیڈ برآمد
newskarachi
1 min read
ڈسٹرکٹ سٹی پولیس نے عزیر بلوچ اور جبار لنگڑا گروپ کے انتہائی مطلوب کارندے کوگرفتار کر کے اس کے قبضے سے ایک ہینڈ گرنیڈ برآمد کر لیا۔ ڈسٹرکٹ سٹی پولیس کراچی کے ایس ایس پی امجد حیات کی جانب سے اتوار کو جاری اعلامیہ کے مطابق لیاری گینگ وار عزیر بلوچ اور جبار لنگڑا گروپ سے تعلق رکھنے والے ملزم عرفان کو تھانہ کلری کی حدود سے گرفتار کیا گیا ہے۔سنگین نوعیت کے واقعات میں ملوث ملزم عادی و پیشہ ور ہے، ملزم اس سے قبل بھی مقدمات میں گرفتار ہوکر جیل جا چکا ہے۔ ملزم کے سابقہ کریمنل ریکارڈ کے مطابق ملزم پر ایف آئی آر نمبر 80/2020 بجرم دفعہ 23(I)A سی ٹی ڈی میں درج ہے، اس کے علاوہ ملزم پر ایف آئی آر نمبر 223/2014 بجرم دفعہ 353/324/184/34 تھانہ کلاکوٹ اور ایف آئی آر نمبر 224/2014 بجرم دفعہ 23(I)A تھانہ کلاکوٹ درج ہے۔ ملزم کے خلاف مقدمہ درج کر کے اس کے ساتھیوں سے متعلق پوچھ گچھ شروع کردی گئی ہے۔
